Татарстан Рәисе Рөстәм Миңнеханов Бөек Ватан сугышы башлануга 84 ел тулу уңаеннан «ВКонтакте» социаль челтәрендәге сәхифәсендә һәм Telegram-каналында республика халкына мөрәҗәгать итте.
«22 июнь – Хәтер һәм кайгы көне. Бөек Ватан сугышы башланган көн… Дәһшәтле еллар, киләчәгебез өчен гомерен корбан иткән геройларның батырлыгы турында истәлек мәңгегә безнең йөрәкләрдә! Беркем дә, бернәрсә дә онытылмады!» – дип язган Рөстәм Миңнеханов.
Татарстан Рәисе сугыш башланган көн турында видеоязма урнаштырган. Анда документаль кадрлар күрсәтелә. Кадр артындагы тавыш ветераннарның – Советлар Союзы Герое, Брест ныгытмасын саклаучы Петр Гаврилов, армия генералы, хәрби тарихчы Мәхмүт Гәрәев, партизан элемтәче Рәисә Рылова, Кызыл Йолдыз ордены кавалеры Муса Галимҗанов, разведчик Юрий Поповның истәлекләреннән өзекләрне яңгырата.
