Иртәнге чыгарылыш
Татарстан Рәисе Рөстәм Миңнеханов 2025 елда Казан фәнни-тикшеренү техник университеты – авиация институты үсеше программасына ярдәм итү өчен грант булдыру турындагы Указны имзалады. Грант акчалары аэрокосмик, транспорт, фотон һәм квант системалары өлкәсендә тикшеренүләр уздыруга, шулай ук яңа мөстәкыйль технологик линияләрне формалаштыруга һәм белем бирү программаларын үстерүгә юнәлдерелә.
Татарстан Министрлар Кабинетында “Күрше” фестиваленең кышкы сезоны бурычларына, республикада “Безнең ишегалды” программасын үтәү йомгакларына багышланган брифинг узды. Республика Премьер-министры урынбасары Ләйлә Фазлыева Татарстан Рәисе Рөстәм Миңнеханов башлангычы белән җәй көнне үткәрелгән “Күрше” фестивале һәм тиздән аның кышкы сезоны башланачагын билгеләп үтте.
Казанның «Курган» зират комплексында Татарстанның халык шагыйре, язучы, дәүләт эшлеклесе Разил Вәлиевнең каберендә һәйкәл ачылды. Биредә әдипнең туганнары, якыннары, республика парламенты, иҗат оешмалары вәкилләре катнашты.
Көндезге чыгарылыш
Ташламалы лизинг федераль программасы буенча Чаллыга тагын 21 яңа автобус кайтарылган. Билгеле булганча, 2026 елда Чаллының 400 еллыгы, “КамАЗ” заводы сафка басуның 50 еллыгы ил күләмендә зурлап билгеләп үтеләчәк. Әлеге вакыйгалар алдыннан шәһәрнең җәмәгать транспорты яңартып бетереләчәк.
Татарстанда сентябрьдә шимбә ярминкәләре башланып киткән иде. Алты ярминкәдә барлыгы 592 миллион сумлык авыл хуҗалыгы продукциясе сатылган. Ярминкәләр 28 декабрьгә кадәр дәвам итә.
Республика Мәгариф һәм фән министрының беренче урынбасары булып эшләгән Андрей Поминов Казан федераль университетының Физика институты директоры вазыйфаларын башкаручы итеп билгеләнде. Университет ректоры Ленар Сафин югары уку йортының структур бүлекләре җитәкчеләре белән эшлекле киңәшмәдә коллективка яңа җитәкчене тәкъдим итте.
Кичке чыгарылышлар
Мәскәүдә Россия Төзелеш һәм торак-коммуналь хуҗалык министры Ирек Фәйзуллин һәм Татарстан Премьер-министры Алексей Песошин очрашты. Алар инфраструктура үсеше, яңа төбәкләрне торгызу мәсьәләләре турында фикер алышты.
Республика Мәгариф һәм фән министрының беренче урынбасары булып эшләгән Андрей Поминов Казан федераль университетының Физика институты директоры вазыйфаларын башкаручы итеп билгеләнде. Университет ректоры Ленар Сафин югары уку йортының структур бүлекләре җитәкчеләре белән эшлекле киңәшмәдә коллективка яңа җитәкчене тәкъдим итте.
Иртәгә, 22 октябрьдә Россия Президентының Татарстан Республикасындагы кабул итү бүлегендә телефон аша турыдан-туры элемтә узачак. Ул «Социаль әһәмиятле һәм әйләнә-тирәдәгеләр өчен куркыныч тудыра торган авырулардан интегүче кешеләрне дару препаратлары белән тәэмин итү» дигән темага багышлана.
Мәскәүдә Россия Төзелеш һәм торак-коммуналь хуҗалык министры Ирек Фәйзуллин һәм Татарстан Премьер-министры Алексей Песошин очрашты. Алар инфраструктура үсеше, яңа төбәкләрне торгызу мәсьәләләре турында фикер алышты.
22 октябрьдә Россия Президентының Татарстан Республикасындагы кабул итү бүлегендә телефон аша турыдан-туры элемтә узачак. Ул «Социаль әһәмиятле һәм әйләнә-тирәдәгеләр өчен куркыныч тудыра торган авырулардан интегүче кешеләрне дару препаратлары белән тәэмин итү» дигән темага багышлана.
22 октябрьдә көндезге сәгать дүрттә Казанның Максим Горький урамында урнашкан «ШАЯН ТВ» телеканалы студиясендә балалар өчен татар һәм рус телләрендә «ШАЯН ШОРТС» дип аталган яңалыклар программасын тәкъдим итәчәкләр.
