Иртәнге чыгарылыш
Татарстан Республикасы Дәүләт Советының уналтынчы утырышында барлыгы 16 мәсьәлә каралды.
Татарстан Республикасы Министрлар Кабинетында «Татарстан Республикасында юл хәрәкәте иминлеген арттыру, юл-транспорт һәлакәтләрен һәм алардан килгән зыяннарны киметү чараларын гамәлгә ашыру турында»гы мәсьәләгә багышланган утырыш булды
Татарстанда өч һәм аннан да күбрәк баласы булган гаиләләргә җир кишәрлекләре бирү буенча киң колачлы программа дәвам итә.
Омск өлкәсе Усть-Ишем районы Әшевән авылында бөек шагыйрь Габдулла Тукайның, Оренбург өлкәсе Мостафа авылында каһарман шагыйрь Муса Җәлил бюстлары куелачак. Татарстан Рәисе Рөстәм Миңнеханов әлеге бюстларны төбәкләр вәкилләренә Казанда узган «Татарстанның эшлекле хезмәттәшләре» 18нче җыенның пленар утырышында тантаналы шартларда тапшырган иде.
Иртәгә Татарстан Республикасы Дәүләт Флагы көне билгеләп үтелә. Яшел, ак, кызыл төсләрдәге республика Флагы 1991 елның 29 ноябрендә Татарстан Югары Советы карары белән расланган иде.
Төмәндә Татар киносы көннәре ачылды. Якшәмбе көнгә кадәр шәһәрдә тамашачыларга татар телендә өч фильм тәкъдим ителәчәк. Зөлфәт Хәким пьесасы буенча төшерелгән «Телсез күке» фильмында Бөек Ватан сугышы вакытында мәхәббәт, хыянәт һәм 1939-1940 еллардагы совет-фин сугышы вакыйгалары чорындагы туганлык тарихы сүрәтләнә.
Кичке чыгарылышлар
Татарстан Рәисе Рөстәм Миңнеханов татар ашлары турындагы китапның Эр-Риядта премия алуы турында видеоязманы үзенең МАХ каналындаурнаштырган.
Сталик Ханкишиевның «Земля, душа и еда татар» дигән китабы Эр-Риядта узган 30 нчы Халыкара фестивальдә дөньядагы иң яхшы кулинария китабы буларак танылды һәм премиягә лаек булды.Проектның кураторыТатарстан Премьер-министры урынбасары Ләйлә Фазлыева булды.
Омск өлкәсе Усть-Ишем районы Әшевән авылында бөек шагыйрь Габдулла Тукайның, Оренбург өлкәсе Мостафа авылында каһарман шагыйрь Муса Җәлил бюстлары куелачак. Татарстан Рәисе Рөстәм Миңнеханов әлеге бюстларны төбәкләр вәкилләренә Казанда узган «Татарстанның эшлекле хезмәттәшләре» 18нче җыенның пленар утырышында тантаналы шартларда тапшырган иде.
Татарстан Министрлар Кабинетында «Татнефтехиминвест-холдинг» АҖ Директорлар советының чираттагы утырышы узды. Утырышны Татарстан Рәисе Рөстәм Миңнеханов үткәрде. Чарада катнашучылар компанияләрнең һәм фәнни үзәкләрнең нефть химиясе өлкәсендәге перспектив эшләнмәләре белән таныштылар.
Татарстан Рәисе Рөстәм Миңнеханов Казанның яңартылган Мәскәү базарында булды. Биредә коммуникацияләр алыштырылды, бинаның гөмбәз өслеге алыштырылды, заманча җилләтү- кондиционер системасы, сәүдә витриналары урнаштырылды. Базар быелның 20 маенда тест режимында ачылды.
Республика Дәүләт Советы Рәисе, «Бердәм Россия» партиясенең Татарстан төбәк бүлеге секретаре Фәрит Мөхәммәтшин «Яшь Гвардия”нең Татарстан бүлеге коллективын 20 еллыгы белән котлады. Парламент җитәкчесе билгеләп үткәнчә, оешма республиканың иң зур һәм абруйлы яшьләр берләшмәләренең берсе.
