Иртәнге чыгарылыш
Татарстан Рәисе Рөстәм Миңнеханов Россия Федерациясе Кулланучылар кооперациясе системасының 195 еллыгына багышланган пленар утырышта катнашты. Утырыш Биектау районының Чыршы авылында узды. Рөстәм Миңнеханов Биектау районының Дөбъяз авылында ачылган яңа кооперация кибетендә дә булды.
Татарстан Рәисе Рөстәм Миңнеханов Арчада капиталь төзекләндерелгән үзәк мәчеттә булды. Аны Татарстан мөфтие Камил Сәмигуллин, Арча районы башлыгы Алмаз Хисаметдинов озатып йөрде. Мәчет 1993 елда ачылган. Комплекс составына шулай ук Тукай исемендәге дини-мәгариф һәм изге Коръәнне өйрәнү үзәкләре керә.
Татарстан премьер-министры урынбасары Ринат Садыйков һәм сәламәтлек саклау министры Альмир Абашев шефлыкка алынган Лисичанск һәм Рубежное шәһәрләрендә булдылар. Луганск Халык Республикасында эшләүче медицина хезмәткәрләренә министрлыкның Мактау грамоталары тапшырылды.
Көндезге чыгарылыш
Казанда «Бердәм Россия» төбәк иҗтимагый кабул итү бүлмәсендә 6 мартка кадәр сәламәтлек саклау мәсьәләләре буенча гражданнарны кабул итүләр уза. Профильле белгечләрдән консультацияләр алырга, дарулар белән тәэмин итү, тернәкләндерү, башка актуаль темалар турында сораулар бирергә мөмкин.
Казанның «Сәйдәш» мәдәният үзәгендә «Апуш» татар балалар театр студиясе ачык дәрес бирде. Татарстан Дәүләт Советы Рәисе урынбасары, Татарстан Республикасы Рәисе каршындагы татар телен һәм Татарстанда яшәүче халыкларның туган телләрен саклау, үстерү мәсьәләләре комиссиясе җитәкчесе Марат Әхмәтов эш нәтиҗәләрен бәяләде.
Быел Казанның 16 бистәсе язгы ташудан зыян күрергә мөмкин. Борисоглебское, Коры елга, Савин, Красная Горка, Җиләкле, Салмачы, Тынычлык, Царицыно, Карьер, Әки, Вознесение, Константиновка, Самосырово бистәләре аеруча куркыныч зонага керә.
Кичке чыгарылышлар
Татарстан Дәүләт Советы Рәисе Фәрит Мөхәммәтшин Казан фәнни-тикшеренү техник университетының техник көллияте укучылары белән очрашты. Очрашу «Персона» проекты буенча Татарстанда «Бердәм Россия» партиясенең иҗтимагый ярдәм штабында узды.
Татарстанда мәгариф һәм социаль учреждениеләр хезмәткәрләре өчен мобиль кушымта эшләнде. Ул ашыгыч хезмәтләргә гадәттән тыш хәл турында сигналны тиз арада тапшырырга мөмкинлек бирә.
«Алтын мөнбәр» XXII Казан халыкара кинофестивале быелның 4 сентябреннән 8 сентябренә кадәр узачак. Конкурсның төп юнәлешләре белән беррәттән, оештыручылар яңа номинацияләр дә игълан итте.
Татарстан Дәүләт Советы Рәисе Фәрит Мөхәммәтшин Казан фәнни-тикшеренү техник университетының техник көллияте укучылары белән очрашты. Очрашу «Персона» проекты буенча Татарстанда «Бердәм Россия» партиясенең иҗтимагый ярдәм штабында узды.
Дәүләт Советы Рәисе, «Бердәм Россия» партиясенең Татарстан төбәк бүлеге Секретаре Фәрит Мөхәммәтшин төбәк иҗтимагый кабул итү бүлмәсендә гражданнарны кабул итте. Гражданнарның сораулары идарәче компания эшчәнлегенә, транспорт бирүдә ярдәм күрсәтүгә кагылды.
«Энергопром-2026» Халыкара электр энергетикасы форумында энергетика тармагында дәүләт сәясәтен формалаштыру, бизнесны, фәнне, кадрларны үстерү һәм инвестицияләр җәлеп итү мәсьәләләре турында фикер алышачаклар. Бу хакта «Татар-информ» агентлыгында узган матбугат конференциясендә Татарстан сәнәгать һәм сәүдә министры Олег Коробченко сөйләде.
