Иртәнге чыгарылыш
Татарстан Дәүләт Советы Рәисе Фәрит Мөхәммәтшин Казан фәнни-тикшеренү техник университетының техник көллияте укучылары белән очрашты. Очрашу «Персона» проекты буенча Татарстанда «Бердәм Россия» партиясенең иҗтимагый ярдәм штабында узды.
Дәүләт Советы Рәисе, «Бердәм Россия» партиясенең Татарстан төбәк бүлеге Секретаре Фәрит Мөхәммәтшин төбәк иҗтимагый кабул итү бүлмәсендә гражданнарны кабул итте. Гражданнарның сораулары идарәче компания эшчәнлегенә, транспорт бирүдә ярдәм күрсәтүгә кагылды.
«Энергопром-2026» Халыкара электр энергетикасы форумында энергетика тармагында дәүләт сәясәтен формалаштыру, бизнесны, фәнне, кадрларны үстерү һәм инвестицияләр җәлеп итү мәсьәләләре турында фикер алышачаклар. Бу хакта «Татар-информ» агентлыгында узган матбугат конференциясендә Татарстан сәнәгать һәм сәүдә министры Олег Коробченко сөйләде.
Көндезге чыгарылыш
Торак күзәтчелеге органнары 2025 елда торак-коммуналь хезмәтләрнең сыйфатын һәм түләүләрен контрольдә тотуны көчәйтте. Халыктан мөрәҗәгатьләр кимегән, ә тикшерү нәтиҗәләре буенча кулланучыларга зур суммаларны кайтарганнар.
Татарстан Фәннәр академиясенең Шиһабетдин Мәрҗани исемендәге Тарих институты Ватанны Саклаучылар елына багышланган яңа басмаларын тәкъдим итте. Шуларның берсе — Бөек Ватан сугышында Җиңүнең 80 еллыгы уңаеннан әзерләнгән «Җиңү календаре» басмасы.
Россия Федерациясе Мәдәният министрлыгы «Алтын Мөнбәр» XXII Казан Халыкара кинофестивален уздыру өчен 3 миллион сум акча бүлеп бирәчәк. Мәдәният министрлыгы 2026 елда барлыгы 87 кино чарасына ярдәм итәчәк.
Кичке чыгарылышлар
Татарстан Рәисе Рөстәм Миңнеханов хөкүмәт йортында Уганда Республикасының Россия Федерациясендәге Гадәттән тыш һәм Тулы вәкаләтле Илчесе Мозес Каваалууко Кизиге белән очрашты. Алар Россия Федерациясе һәм Уганда Республикасы арасындагы хезмәттәшлек нигезендә киләчәктә элемтәләрне үстерү мәсьәләләре турында фикер алышты.
Татарстан Фәннәр Академиясендә Урал-Идел буе археологиясенә багышланган Бөтенроссия фәнни конференциясе ачылды. Пленар утырышта катнашучыларга Татарстан Фәннәр академиясе президенты Рифкать Миңнеханов мөрәҗәгать итте.
«Cтудентлар язы» республика фестивалендә катнашу өчен гаризалар кабул ителә башлады. Югары һәм урта махсус уку йортлары студентлары өчен конкурс сынаулары Казанда 4 апрельдән 15 апрельгә кадәр узачак.
Татарстан Рәисе Рөстәм Миңнеханов хөкүмәт йортында Уганда Республикасының Россия Федерациясендәге Гадәттән тыш һәм Тулы вәкаләтле Илчесе Мозес Каваалууко Кизиге белән очрашты. Алар Россия Федерациясе һәм Уганда Республикасы арасындагы хезмәттәшлек нигезендә киләчәктә элемтәләрне үстерү мәсьәләләре турында фикер алышты.
Казанда «Бердәм Россия» партиясенең төбәк оештыру комитеты утырышында тугызынчы чакырылыш Дәүләт Думасына депутатлыкка тәкъдим итү өчен кандидатларга алдан тавыш бирү мәсьәләсе каралды. Татарстан Дәүләт Советында «Бердәм Россия» фракциясе җитәкчесе Юрий Камалтынов оештыру комитетының бурычы – процедураны нигезләмәгә туры китереп үткәрү, дип ассызыклады.
Татарстан Фәннәр Академиясендә Урал-Идел буе археологиясенә багышланган Бөтенроссия фәнни конференциясе ачылды. Пленар утырышта катнашучыларга Татарстан Фәннәр академиясе президенты Рифкать Миңнеханов мөрәҗәгать итте.
