Татарстан телевидениесе һәм радиосы тарихына саллы өлеш керткән ветераннар безнең арада.
Алар телевидение барлыкка килүнең чишмә башында торучылар. Бик күп еллар бергә-бергә радиотапшырулар, телевизион проектлар булдырдылар. Кайчандыр, коллегалар дуслар булып бергә эшләгән ветераннарыбызны телевидение кабат үзенә җыйды. Сөйләр сүзләр, уртаклашыр яңалыклар күп җыелган. Мондый очрашулар инде традициягә әйләнде.
Лаеклы ялда булсалар да, алар үзләре эшләгән телерадиокомпаниягә тугрылыклы булып калалар. Радиодагы һәм телеэфирдагы тапшыруларны игътибарсыз калдырмыйлар.
Хөрмәтле ветераннарыбызга ил- көннәр иминлегендә, якыннарының кайгыртуын, яратуын тоеп яшәүләрен теләп калабыз.
Ләлә Зәйнуллина, Вадим Сунцов. Татарстан яңалыклары.
