Ни өчен Мәрҗани мәчете Россия өммәтенең бердәмлеге символы булып кала?
Шушы көннәрдә 11нче Мәрҗани укулары узды. Конференция татарларның дини фикерләвендә ватанпәрвәрлек һәм тормышка карашын үстерүгә багышланды, бу аеруча зур әһәмияткә ия. Бөек гыйлем ияләре исламга тугрылык белән Ватанга мәхәббәтнең бер-берсенә каршы килмәвен, әлеге сыйфатларның бер-берсен тулыландыруын күрсәткән.
Россия халыклары бердәмлеге елында бу фикерләр аеруча көчле яңгырый. Бу яшь буынны чын ватанпәрвәрлек рухында тәрбияләргә ярдәм итә. Шиһабетдин хәзрәт — ирекле фикер иясенең ачык үрнәге, ул искергән алымнарны тәнкыйтьләүдән курыкмаган, шул ук вакытта Аллаһының тәкъва колы һәм үз халкының тугры улы булып калган. Мәрҗани мәчете — Россиянең Европа өлеше өчен уникаль урын, монда Аллаһы Тәгаләгә гыйбадәт ике ярым гасырдан артык вакыт өзелмәгән.
