Иртәнге чыгарылыш
Татарстан Рәисе Рөстәм Миңнеханов хөкүмәт йортында Сәламәтлек саклау өлкәсендә күзәтчелек буенча Федераль хезмәт җитәкчесе Алла Самойлова белән очрашты. Алар киләчәктәге хезмәттәшлек, аерым алганда, гражданнарны ташламалы дарулар белән тәэмин итү, шулай ук «Дәвамлы актив тормыш» һәм «Гаилә» илкүләм проектларын гамәлгә ашыру мәсьәләләре буенча фикер алышты.
Казанда Бәшир Рәмиев исемендәге ИТ-паркта «медицина эшләнмәләре мөрәҗәгате «Новамед» медицина эшләнмәләре VI Бөтенроссия Халыкара форумы узды.АндаТатарстан Премьер-министры Алексей Песошин, сәламәтлек саклау өлкәсендә күзәтчелек буенча Федераль хезмәт җитәкчесе Алла Самойлова катнашты.
Татарстан Авыл хуҗалыгы һәм азык-төлек министрлыгы шәхси ярдәмче хуҗалык алып баручы гражданнарга чыгымнарының бер өлешен каплауга гаризалар сайлап алуның икенче этабын уздыра. Гаризалар 28 июньгә кадәр дәвам итә.
Көндезге чыгарылыш
Татарстанда Ватанны саклаганда һәлак булганнарның истәлеген мәңгеләштерүнең аерым мәсьәләләрен җайга салучы закон кабул ителде. Республика Рәисе Рөстәм Миңнеханов имзалаган документ республиканың рәсми хокукый мәгълүмат порталында чыкты.
Бу минутларда Татарстан Фәннәр Академиясендә Вячеслав Алемасов исемендәге Татарстан Республикасы Дәүләт премиясен тапшыру тантанасы бара. Вячеслав Алемасов атаклы галим, Россия Фәннәр Академиясе Акдемигы, Казанда җылылык энергетикасы һәм реактив двигательләр төзү мәктәбенә нигез салучыларның берсе иде.
Белоруссия башкаласы Минскида Татарстан җиңел сәнәгать предприятиеләре вәкилләре һәм «Беллегпром» концерны рәисе Надежда Лазаревич катнашында түгәрәк өстәл узды. Республика делегациясен премьер-министры урынбасары – сәнәгать һәм сәүдә министры Олег Коробченко җитәкләде.
Кичке чыгарылышлар
Кырым Республикасында балалар ялын вакытлыча туктатып тору белән бәйле вәзгыять Россия Мәгариф министрлыгының даими контролендә тора. Килеп туган мәсьәләләрне оператив хәл итү өчен махсус штаб булдырылган.
Чаллыда Россия милли театрларының III фестивале ачылды. Ачылу тантанасы «Мастеровые» рус драма театрында узды. Шул ук театрда Горномарийск драма театры труппасы «Левша» трагифарсын – әлеге театр сезонының премьерасын күрсәтте.
Киләсе шимбә көнне, 27 июньдә, Казанда «УРАМ» экстрим-паркы территориясендә Яшьләр көне билгеләп үтеләчәк. Быел фестиваль «Хыял, горурлык, бердәмлек» шигаре белән уза. Шәһәр халкы өчен концерт, осталык дәресләре, бәйгеләр, күнекмәләр, лекторийлар, вакансияләр ярминкәсе, башка төрле чаралар әзерләнгән.
Татарстан Халыклары Дуслыгы Йортында «Татарстан – Яңа гасыр» республика иҗтимагый хәрәкәте Югары Советының киңәйтелгән утырышы узды. Анда яшь буынга патриотик тәрбия бирү, Ватанны саклаучылар, шулай ук республика үсешенә өлеш керткән күренекле шәхесләр истәлеген мәңгеләштерү мәсьәләләре буенча фикер алыштылар. Утырышны Дәүләт Советының мактаулы Рәисе, иҗтимагый хәрәкәтнең Югары Советы Рәисе Фәрит Мөхәммәтшин үткәрде.
Чаллыда Россия милли театрларының III фестивале ачылды. Ачылу тантанасы «Мастеровые» рус драма театрында узды. Шул ук театрда Горномарийск драма театры труппасы «Левша» спектаклен – әлеге театр сезонының премьерасын күрсәтте.
Республикада рус теле һәм математика фәннәреннән Бердәм дәүләт имтиханнары нәтиҗәләре билгеле булды. Быел чыгарылыш сыйныфны тәмамлаучы 16 мең 314 укучы рус теле буенча БДИ тапшырган.
