Татарстан Рәисе Рөстәм Миңнеханов һәм Чувашия башлыгы Олег Николаев Нурлатта Уяв чуваш мәдәнияте бәйрәменең мактаулы кунаклары булды. Бу хакта ТР Рәисенең матбугат хезмәте җитәкчесе Лилия Галимова Телеграм-каналында хәбәр итте.
Аның сүзләренчә, чара җылы һәм күңелле атмосферада узган: бәйрәмдә катнашучылар бик күп җырлаган һәм традицион ризыклар белән сыйланган.
Галимова язмасын «Уяв ячӗпе!» дигән сүзләр белән тәмамлады, ул чувашчадан тәрҗемә иткәндә «Бәйрәм белән!» дигәнне аңлата.
