Иртәнге чыгарылыш
Татарстан Рәисе Рөстәм Миңнеханов Бөтендөнья татар конгрессының «Милли җыен» делегатлары белән очрашты. «Милли җыен» делегатлары белән очрашуларда милли тәңгәллекне саклап калуга бәйле төп мәсьәләләр турында фикер алыштылар.
Казан Кремлендә Татарстан Рәисе Рөстәм Миңнеханов һәм аның хатыны Гөлсинә Миңнеханова исеменнән республиканың иң яхшы гаиләләрен хөрмәтләүгә багышланган тантаналы кабул итү мәҗлесе узды. Тантанада Россия Федерациясе һәм Татарстан Республикасы дәүләт бүләкләре тапшырылды.
Соңгы җиде елда Татарстанның табигатьне саклау чараларына инвестицияләрнең гомуми күләме 71,8 млрд сум тәшкил итте. Бу хакта Казанда экология мәсьәләләренә багышланган XX Бөтенроссия фәнни-гамәли конференциясенең пленар утырышында рсепублика Экология һәм табигый ресурслар министры Александр Шадриков әйтте.
Көндезге чыгарылыш
Татарстан Рәисе Рөстәм Миңнеханов хөкүмәт йортында Россия Сәнәгать һәм сәүдә министры урынбасары Михаил Юрин белән очрашты. Алар республиканың сәнәгать үсеше мәсьәләләре, тармакка дәүләт ярдәме чаралары, Татарстанда инвестиция проектларын гамәлгә ашыру турында фикер алышты.
Татарстан Рәисе Рөстәм Миңнеханов Казан дәүләт циркында «Мирас» милли татар спектакленең хәйрия тамашасын карады. Әлеге спекталь цирк сәнгатенең заманча алымнарын, цифрлы технологияләрне кулланып әзерләнгән.
«Татэнерго» АҖ Директорлар советының чираттагы утырышын Татарстан Премьер-министры Алексей Песошин алып барды. Анда беренче яртыеллыкта компаниянең финанс-хуҗалык эшчәнлегенә йомгак ясалды.
Кичке чыгарылыш
Татарстан Рәисе Рөстәм Миңнеханов «Виктор Великий» патруль, «Ставрополь», «Тайфун» кече ракета корабларында Хәрби-диңгез флагларын беренче тапкыр күтәрү тантанасында катнашты.
Татарстан Рәисе Рөстәм Миңнеханов хөкүмәт йортында Байконур шәһәре хакимияте башлыгы Константин Бусыгин белән очрашты. Алар төбәкара һәм муниципальара дәрәҗәдә хезмәттәшлек мәсьәләләре, Татарстанның яшьләр сәясәте өлкәсендәге тәҗрибәсен өйрәнү турында фикер алышты.
Муса Жәлил исемендәге Татар Дәүләт Опера һәм балет Академия театрында узган «Милләт җыены»ның пленар утырышында респблика Рәисе Рөстәм Миңнеханов, Дәүләт Киңәшчесе Минтимер Шәймиев чыгыш ясады.
Татарстан Дәүләт Советы Рәисе Фәрит Мөхәммәтшин Оренбургтагы «Эрмитаж-Евразия» мәдәни үзәгендә һәм музеенда булды. Ул Идел буе федераль округының Закон чыгаручылар Советы һәм Идел буе федераль округы төбәкләренең закон чыгару органнары каршындагы Яшьләр парламентлары ассоциациясе утырышларында да катнаша.
