«Түгәрәк уен» фольклор коллективлар, «Уйнагыз, гармуннар!» фестивальләре оештырыла. 13.00 сәгатьтә «ДәртФест 2025» фестивале көтелә. Биредә артистлар чыгышы, иҗади остаханәләр көтелә. Игенчеләр сарае каршында Җиңүнең 80 еллыгына багышланган «Два Кремля» халыкара мотофестивале ачыла. Беренче тапкыр фестивальдә флаглы һәм Георгий тасмалы мотоцикллар саны буенча Россия рекорды көтелә. «Елмай» паркында ике көн дәвамында «ТауФест» гаилә китап фестивале барачак. Кабан күле буенда «Милли кием» халык костюмы фестивале уза. Быел фестиваль алты еллыгын билгеләп үтә. Иске татар бистәсендә «Казан сөлгесе» фестивале була. Быел фестивальгә бөтен Россиядән 300дән артык коллектив киләчәк. 2019 елдан ул ЮНЕСКО иҗади шәһәрләренең креатив проектлары исемлегенә кергән. Үзәк стадионда тамаша булачак. Бу – Казан дәүләт циркы һәм «Белый Пароход» сәләтле балалар һәм яшьләргә ярдәм фондының уртак проекты. Шулай ук, Казан ипподромында ат-спорт бәйрәме башлана. Төп концерт программасы «Казан» гаилә үзәге янында 16.00 сәгатьтән башлана, 22.00 сәгатькә кадәр бара. Узган елгы кебек үк, быел да – Республика көнендә Татарстаннан 45 яшь парның никахлары рәсмиләштереләчәк. 22.00 сәгатьтә бәйрәм салюты оештырыла. Шулай ук үсешенә өлеш керткән шәхесләргә мемориаль такталар, бюст ачу тантаналары бар. Һәр бәйрәм мәйданында куркынычсызлыкны, җәмәгать тәртибен тәэмин итү каралган. Кайбер урамнар ябылуын исәпкә алып, йөрү юлларын алдан уйлап куярга киңәш ителә.
«Шәхесләрне мәңгеләштерү белән бәйле вакыйгалар хәтер, истәлек чаралары булып тора. Казанда биш шундый чара оештырыла. Яр Чаллыда хастаханә территориясендә күренекле хирург Ренат Акчуринга бюст ачылачак. Казанда Толстой урамы, 16а адресы буенча драматург, публицист Туфан Миңнуллинга истәлек тактасы ачыла.
1930-1937 еллардаТАССРның Халык комиссарлары советы рәисе Кыяметдин Абрамовка Карл Маркс урамы, 54 адресы буенча мемориаль такта куела.
Армия генералы, Бөек Ватан сугышында катнашучы, хәрби һәм тарихи фәннәр докторы Мәхмүт Гәрәевкә бюст 188 нче күп профильле лицейда куела. КМПОның элеккеге генераль директоры Александр Павловка барельеф, завод тарихына багышланган истәлек стеласы ачу ниятләнә. «КМПО коллективы җитәкченең хәтерен мәңгеләштерү башлангычы белән чыккан.
