Иртәнге чыгарылыш
Татарстан Дәүләт Советының унбишенче утырышында 21 мәсьәләдән торган көн тәртибе буенча фикер алышу булды.
Республикада тугыз айда авыл хуҗалыгы продукциясен сатудан 154 миллиард сум акча эшләгәннәр.
1-8 ноябрьдә Казанда Халыклар бердәмлеге көненә һәм Татарстан Республикасы Конституциясе көненә багышланган бәйрәм чаралары узачак.
Көндезге чыгарылыш
Казанда Төркия Республикасына нигез салынуга 102 ел тулуга багышланган тантаналы чара узды. Татарстан Рәисе Рөстәм Миңнехановның котлау телеграммасын республика Дәүләт Советы Рәисе урынбасары Юрий Камалтынов укыды.
Бүген — сәяси репрессияләр корбаннарын искә алу көне. Шул уңайдан Татарстан Премьер-министры урынбасары Ләйлә Фазлыева республика халкына мөрәҗәгать белән чыкты.
Татарстан Рәисе хакимияте җитәкчесе Әсхәт Сәфәров Казанда Кырымның дәүләт һәм муниципаль хакимият органнары җитәкчеләре белән очрашты. Ул ике республика арасында сәүдә-икътисадый мөнәсәбәтләрнең актив үсешен билгеләп үтте, уртак мәгариф проектының барлык юнәлешләр буенча уртак эшкә ярдәм итәчәгенә ышаныч белдерде.
Кичке чыгарылышлар
Бүген — сәяси репрессияләр корбаннарын искә алу көне. Шул уңайдан Татарстан Премьер-министры урынбасары Ләйлә Фазлыева республика халкына мөрәҗәгать белән чыкты.
Татарстан Рәисе хакимияте җитәкчесе Әсхәт Сәфәров Казанда Кырымның дәүләт һәм муниципаль хакимият органнары җитәкчеләре белән очрашты. Ул ике республика арасында сәүдә-икътисадый мөнәсәбәтләрнең актив үсешен билгеләп үтте, уртак мәгариф проектының барлык юнәлешләр буенча уртак эшкә ярдәм итәчәгенә ышаныч белдерде.
Казандагы «Дубравная» метро станциясе 3-25 ноябрь көннәрендә вакытлыча ябылачак. Бу метрополитенның икенче линиясенең беренче участогын төзүгә бәйле. Бу хакта «Татар-информ» агентлыгында узган матбугат конференциясендә Казанның транспорт комитеты рәисе Алексей Сидоров әйтте. Соңгы тукталыш Җиңү проспекты булачак.
Татарстан Хөкүмәте Йортында «Татнефтехиминвест-холдинг» АҖ Директорлар советының чираттагы утырышы узды.АныТатарстанРәисеРөстәмМиңнехановүткәрде. Утырышта Дәүләт Советы Рәисе Фәрит Мөхәммәтшин, Премьер-министр Алексей Песошин катнашты.
Татарстан Хөкүмәте Йортында узган киңәшмәдә республика кече нефть компанияләренең быелның 9 аендагы эш йомгаклары һәм ел ахырына кадәрге бурычлары турында фикер алыштылар. Киңәшмәне Татарстан Рәисе Рөстәм Миңнеханов үткәрде.
Россия Президенты Владимир Путин боерыгы буенча, илнең 21 төбәгендә “Воин” дигән хәрби-спорт хәзерлек үзәкләре булдырылды. Казандагы «Воин» үзәгендә инструкторлар балалар һәм яшүсмерләрне хәрби эшкә өйрәтәләр, аларда ватанпәрвәрлек традицияләрен тәрбиялиләр. Үзәктә «Хәрби дан Залы» мобиль фотокүргәзмәсен ачу тантанасы узды.
