2027 елда бала тугач бирелә торган пособие 30 мең сумнан артып китәчәк.
Киләсе елда Россия гаиләләренә бала тугач бер тапкыр бирелә торган пособие күләме 30,4 мең сумга кадәр артачак. Россия хезмәт һәм социаль яклау министры Антон Котяков шулай дип белдерде. Бу хакта ведомствоның матбугат хезмәте хәбәр итә.
Министр сүзләренчә, 2027 елда пособие күләмен арттыру планлаштырылган.
«Бала тугач бер тапкыр бирелә торган пособие 30,4 мең сумга кадәр артачак», – диде Котяков.
Балалы гаиләләргә ярдәм күрсәтү Россия Президенты Владимир Путин башлангычы белән гамәлгә ашырыла торган «Гаилә» илкүләм проекты максатларына туры килә.
