Татарстан Республикасы Рәисе Рөстәм Миңнеханов Татарстан Республикасы Дәүләт Советына Юллама белән мөрәҗәгать итте.
Рөстәм Миңнеханов Татарстан Республикасында 2027 елны Минтимер Шәрип улы Шәймиев елы дип игълан итү турындагы Указга кул куйды.
Татарстан Рәисе VII чакырылыш Дәүләт Советының егерме дүртенче утырышында катнашты.
Утырыш барышында республика Дәүләт Советы Рәисе итеп сайлану өчен Фәрид Габделганиев кандидатурасы парламент каравына чыгарылды. Кандидатны Дәүләт Советында «Бердәм Россия» фракциясе җитәкчесе, парламент Рәисе урынбасары Юрий Камалтынов тәкъдим итте.
Фәрид Габделганиев кандидатурасын депутатларның абсолют күпчелеге — 81 кеше хуплады.
Рөстәм Миңнеханов Фәрид Габделганиевның төрле өлкәләрдә зур тәҗрибәсен билгеләп үтте. «Фәрит Солтан улы яхшы юл үтте: шәһәр дәрәҗәсендә дә, министрлыкларда да эшләде. Кече һәм урта бизнеска ярдәм кысаларында бик күп эшләде. Әлбәттә, теләсә нинди эш компетенцияләр таләп итә.
Татарстан рәисе Рөстәм Миңнехановның Татарстанның беренче Президенты, республика Дәүләт Киңәшчесе 2027 елны Минтимер Шәймиев елы дип игълан итүе бик лаеклы. Бу хакта республика массакүләм мәгълүмат чаралары журналистлары белән әңгәмәдә Дәүләт Советы Рәисе урынбасары Марат Әхмәтов белдерде.
Рөстәм Миңнеханов «Динамо-Ак Барс» волейбол клубын легендалар кубогында икенче җиңүе белән котлады.
Эшче яшьләрнең «Наше время – Безнең заман» XIV еллык ачык республика телевизион иҗат фестиваленә гаризалар бирү 2 октябрьдә тәмамлана, 16 октябрьдә чараның сайлап алу этаплары башлана.
Татарстан Рәисе Рөстәм Миңнеханов республика хөкүмәте йортында Үзәк хәрби округның хәрби прокуроры Игорь Афиногенов белән очрашты. Алар хәрби өлкәдә законлылыкны тәэмин итү һәм эшне координацияләү мәсьәләләре буенча фикер алышты.
Татарстан Министрлар Кабинетында республикада өлкәннәр ункөнлеген уздыруга багышланган брифинг узды. Хезмәт, мәшгульлек һәм социаль яклау министры Эльмира Зарипова билгеләп үткәнчә, республикада хәзер 925 мең чамасы пенсионер бар. Бу барлык кешеләрнең 24 процентка якыны.
Бүген Казанның «Ак Барс Арена» стадионында футбол буенча Россия һәм Иран җыелма командалары арасында иптәшләрчә уен узачак. Очрашу Мәскәү вакыты белән кичке сәгать җидегә билгеләнгән.
Татарстан Рәисе Рөстәм Миңнеханов Россия Федерациясе Кулланучылар җәмгыятьләре үзәге берлеге Советы Рәисе Дмитрий Зубов белән очрашты. Алар кулланучылар кооперациясе оешмаларының агымдагы шартлардагы эше һәм киләчәктә уртак проектларны гамәлгә ашыру планнары турында фикер алышты.
Республика Хөкүмәте Йортында Премьер-министр Алексей Песошин рәислегендә «Сетевая компания» АҖ Директорлар советы утырышы узды. Анда компаниянең электр челтәрләренә тоташтырылган кулланучыларны электр белән тәэмин итүнең ышанычлылыгы мәсьәләләре, җитештерү һәм финанс-икътисадый эшчәнлек нәтиҗәләре каралды.
Азнакай район Советының чираттан тыш утырышы булды. Муниципаль депутатлар районны 15 елдан артык җитәкләгән Марсель Шәйдуллинның отставкасын кабул итте. Муниципалитетның яңа җитәкчесе Айдар Шәмсетдиновны Дәүләт Советы Рәисе урынбасары Марат Әхмәтов тәкъдим итте.
